„За ваша безбедност, ве молиме останете будни бидејќи се очекуваат нестабилни временски услови во наредните часови и избегнувајте излегување освен ако не е апсолутно неопходно“, соопшти метеоролошката служба.
Се очекува дождот да продолжи во Дубаи и Абу Даби денес, а снимките покажуваат хаотични услови во градовите.
Многу летови во земјата се откажани. Некои од нив вклучуваат летови на „Емирати“ до лондонски „Гетвик“, „Хитроу“ и „Франкфурт“. Услугите на „ФлајДубаи“ исто така се откажани. Авиокомпанијата „ИндиГо“ објави соопштение во кое се наведува дека е можно да има прекини во летовите.
„Се предвидува промена на временските услови низ ОАЕ, со очекувани обилни дождови и грмотевици. Со оглед на оваа променлива ситуација, можно е да има повремени влијанија врз летовите во текот на денот“, рекоа тие.
Плажите и парковите во Абу Даби се затворени поради обилните дождови.
Фотографиите направени во Дубаи и Абу Даби покажуваат улици под вода, како и голем број заглавени автомобили.
Министерството за внатрешни работи на земјата, исто така, ги повика граѓаните да бидат исклучително внимателни и да избегнуваат излегување надвор освен ако не е апсолутно неопходно.
